Mapiau a wnaed gan y gymuned sy'n troi profiad byw yn benderfyniadau mwy craff a gwyrdd.

“Rwyf newydd fod yng nghyfarfod Partneriaeth Natur Leol Cymru gyfan heddiw, ac roedd ambell i berson yn siarad am ba mor gyffrous yw’r prosiect Llwyfan Map, a sut allai fod yn ‘drobwynt’ i Bartneriaethau Natur Lleol yn y dyfodol! Fe wn fod popeth yn heriol ar hyn o bryd, ond hoffwn roi gwybod ichi fod pobl â diddordeb brwd ac yn cefnogi llwyddiant y prosiect.”

“Rydym wedi cael cymaint o hwyl yn bod yn rhan o’r prosiect hwn, mae’r holl ddisgyblion wedi bod â diddordeb ym mhob gweithgaredd, o fapio eu taith i’r ysgol, mapio ardaloedd lleol sy’n bwysig iddyn nhw, mynd ar daith, i gymryd rhan yn yr ymchwil synhwyrydd aer personol - roedd y wybodaeth yma’n ddiddorol dros ben! Mae ein synhwyrydd aer yn y dosbarth wedi darparu data diddorol iawn hefyd, lle rydym wedi canfod bod CO2 yn eithaf uchel, ac felly wedi bod yn ceisio ei leihau mewn ffyrdd gwahanol, megis agor y drws, prynu planhigion, a defnyddio peiriant puro’r aer. Mae pob aelod o staff sydd wedi gweithio gyda ni wedi bod yn wych, ac mae’r gweithdai wedi bod yn hwyl aruthrol, mae’r plant wedi dysgu cymaint! Edrychwn ymlaen at gael rhagor o sesiynau gyda’r ymchwilwyr amgylcheddol yn y flwyddyn newydd. Diolch.”

“Yr hyn sy’n arbennig o wych am eich prosiect yw ei fod yn ffynhonnell agored. Yn ein byd o ffiniau digidol, bydoedd ein hunain, a’r ardaloedd rydym yn byw ynddyn nhw, mae’n wych gallu rhannu a chysylltu gwybodaeth fel hyn ar draws gwasanaethau, fel bod pobl yn gallu dod o hyd i bethau yn y lleoedd maen nhw, yn hytrach na gorfod symud eu hunain yn ddigidol i ‘rywle newydd’.”